Abraham Cupeiro abraiounos a tod@s @s no 2018 no IESde becerreá  facendo resoar instrumentos de vento de todas as etapas  da historia da música  

O músico e profesor sarriá Abraham Cupeiro abraiounos no centro, fai case dous anos cando acudíu ao noso instituto para facer  á súa demostración musical chamada "Resoando no pasado", realizada tanxendo instrumentos de vento que forman parte de distintas etapas da historia da humanidade, viaxando no tempo a través dos seus sons.

Con moitos dos instrumentos construídos por el mesmo, con gran dominio da técnica musical, pero tamén con bo humor e moi boa capacidade para comunicar co auditorio, a súa actuación resultounos moi didáctica, amena e diríamos que ata curta. Poderiamos estar alí por máis tempo escoitando e vendo a este profesor do Conservatorio da Coruña dar vida a instrumentos que, nalgúns casos, parecen froito da fantasía máis que instrumentos aos que se lles pode facer soar de xeito harmónico. Non te perdas ningún dos catro vídeos ( ordeados de dereita a esquerda), que recollen a súa demostración, porque é unha experiencia inigualable que non che resultará indiferente.

Abraham Cupeiro.

Abraham Cueiro é profesor superior de trompeta do CSMUS da Coruña, constructor e multiinstrumentista.

O que caracteriza a Abraham Cupeiro é a recuperación de instrumentos perdidos no tempo, e a utilizalos para crear novas sonoridades.

Estudou trompeta no RCSMM, e logo realizu un máster en Interpretación da Música Antiga na Universidade Autónoma de Barcelona.

Con todo, aínda que a súa  formación é clásica, sempre se sentiu atraído por todo tipo de músicas. Así, dende temprana idade formou parte de grupos de folk, jazz, música antiga...

Como instrumentista, destaca por ser unha das poucas persoas que toca o Carnyx (trompeta celta da Idade de Ferro). Recientemente foi invitado para probar o Carnyx de Tintignac, que é o único que apareceu enteiro no ano 2004. É ademais impulsor dun instrumento ancestral na tradición galega: a corna, instrumento que o seu abó tocaba e que aparece nas Iluminacións de Alfonso X. O seu interés pola organoloxía, levouno a conseguir unha colección  de máis de 200 instrumentos de todo o mundo, e de distintas épocas. É unha colección que enseña a modo de concerto-monólogo, baixo o nome de Resoando no Pasado. Abraham recupera e constrúe diversos instrumentos, e interpreta con elles  dende a súa música ata música de hoxe en día. Estas mezclas pódense  ver no seu traballo Compromiscuo, co acordeonista Bielorruso Vadzim Yukhnevich , así como en obras escritas ex profeso para él como o Concerto Misterio de Wladimir Rosinsky xunto coa Orquesta Sinfónica de Galicia. Os Sons Esquecidos éo seu  último proxecto  grabado coa Filharmonía de Galicia.

                                                                                                                                                              

Dende A LUZ  DA MÚSICA achegámonos á historia da ópera, que nos fascina, conmove, divirte, a través de sensacións que alimentan os nosos sentidos.

A ópera naceu a finais do século XVI en Italia. Débese a un grupo de intelectuais e músicos florentinos, coñecidos como a Camerata fiorentina, todos en torno ao conde Giovanni Bardi (1534-1612), fascináballes todo o que proviña da antiga Grecia, e mantiñan unha firme oposición cara ao que eles denominaban excesos da música polifónica renacentista. Este grupo o que pretendía era revivir o que se cría que era a simplicidade da traxedia antiga. Estas traxedias gregas, tiñan unha unidade de texto, canto e movemento. Viñan dunha celebración relixiosa que se dedicaba a Dionisio. Os traballos da Camerata influíron na estética da ópera que se compuxo con posterioridade.

A  ópera ofreceunos ao longo da historia infinidade de xéneros operísticos, e no século XXI segue ofrecendo gran variedade de ofertas, coas óperas que xa coñecemos, e con outras que se están redescubrindo e novas propostas.

Disfrutade da marabillosa Aria da Raíña da Noite 

PREME PARA VER O VÍDEO

A Raíña da Noite, é unha das personaxes da Frauta Máxica, a última ópera escrita por Wolfgang Amadeus Mozart. A Raiña da noite é a nai da protagonista, Pamina. Esta personaxe só ten dúas intervencións na ópera. Na primeira das súas arias mostra unha falsa aparencia de nai amante e ultraxada, mais na segunda amosa o seu carácter real, ameazando a Pamina con repudiala se non asasina a Sarastro aproveitando a confianza que el ten nela. 

O papel, que require dunha soprano coloratura, presenta unha gran dificultade polo rexistro vocal que presenta (dun re4 a un fa6),e pola gran cantidade de notas picadas e pola variada gama dinámica que esixe. 

Brian May, guitarrista de Queen, publica un vídeo con un músico palentino

Brian May , dando clase en Instagram dende a   súa  casa.

O guitarrista de Queen, Brian May, publicou nas súas redes sociais un vídeo tocando co músico palentino Daniel Acebes, «O Chelista», que se gravou interpretando unha canción da mítica banda co seu violoncelo sobre a guitarra do británico e que en só dúas horas foi visto por 100.000 persoas.

O pasado martes, concienciado con aportar o seu traballo na loita para frear o coronavirus, o guitarrista gravou un vídeo tutorial desde a súa casa explicando como tocar a canción «Keep Yourself Alive», de Queen, no que ademais pedía a colaboración doutros músicos do mundo. Dous días despois, Daniel Acebes, desde o seu domicilio editou o vídeo de Brian May engadindo dous grabaciones súas, co violoncelo, nas que interpretaba dúas novas voces sobre a coñecida canción e interactuaba cos comentarios do músico.

Brian May comparteu o vídeo na súa conta de Instagram, que conta con 2,3 millóns de seguidores, e foi visto en só dúas horas por 100.000 persoas. No mesmo pedía aos seus seguidores que buscasen ao mozo músico palentino afirmando en inglés que lle estaba «encantando·. «Un novo espírito está emergiendo, necesito saber quen o gravou, ¡por favor!», rogaba.

Para todos os  que tedes guitarras nas casas, xa sabedes que Brian May ensina en Instagram a tocar cancións  de Queen. 

Velaí o video de Brian e Daniel Acebes  tocando xuntos.

PREME PARA VER O VÍDEO